Bete dezagun Ordiziako plaza larunbatean!
2012-05-17
Herrira euskal preso politikoen eskubideen aldeko herri ekimenak ekitaldiak antolatu ditu herriz herri presoei elkartasuna adierazteko larunbat honetan, maitzaren 19an. Ordiziako Herrirak deituta, 11:00etatik aurrera bilduko dira herritarrak Plaza Nagusian.
Autodeterminazioaren aldeko jai handia, ekainaren 9an, Lazkaon
2012-05-16
Nazioen Mundua erabakitzeko eskubidearen aldeko herri ekimenak jai handia antolatu du ekainaren 9an, Lazkaon. Herri bazkaria, sari banaketa berezia, Pirritx eta Porrotxen flashmobaren grabaketa, kontzertuak... denetik izango da autodeterminazioa aldarrikatzeko jai honetan.
PNVk urtetan kudeaketa okerra eta diru xahuketa, orain oposizio ozpindua
2012-05-15
Zein digestio delikatua duten Santamariak eta PNVk! Ezin dute irentsi alkatetza galtzea eta BILDUk gehiengo izatea Ordiziako Udalean. Ezin dute irentsi ezker abertzalea sozialki eta politikoki indar nagusia izatea Ordizian. Ezin dute irentsi BILDUren Udalaren kudeaketa, ekintza ahalmena, proposamen eta egitasmo ilusionanteak izatea… Ezin dute onartu haiek zementuaren lehentasun ia bakarra izan duten bitartean, BILDUk bere ahaleginak arlo sozialera eta kulturalera bideratzea. Nahiago lukete krisiagatik edota PNVk utzi digun herentziagatik BILDU ezer egin ezinik egotea. Baina ez da horrela, eta horregatik jo dute Udal aurrekontuak kritikatzera. Hori egitean, ordea, berriro agerian geratu dira PNVren urtetako kudeaketa okerra eta ezintasuna.
Ordizian izandako emakumeen kontrako indarkeria kasua salatzeko kontzentrazioa, astelehenean
2012-05-11
Hilaren 7an Ordizian emakume batek bere bikote ohiaren erasoa sufritu zuen. Emakumeen aurkako indarkeria Ordizian ere jasaten dugun gaitz onartezina da, eta herritar guztioi dagokigu halakoak salatzea ez ezik, errepika ez daitezen lan egitea. Horregatik, datorren astelehenean, hilak 14, arratsaldeko 20:00etan, Plazan, Kimetzek eta Udaleko Berdintasun Batzordeak deitutako elkarretaratzean parte hartzeko deia egin dute.
Kontzentrazioa Beasainen Bateragune auziaren epaia salatzeko
2012-05-10
Bihar ostirala, Gernikako Akordioa sinatu duten eragileek Goierritar guztiak deitzen dituzte bihar, ostirala, arratsaldeko 19:00etan Beasaingo Zubimuzun izango den kontzentraziora. Prozesu eta konponbide demokratikoaren alde, erasorik ez erantzunik gabe!
Artikulu gehiago...
1. orria, guztira 55 orri daude
