Ordizian bertan

Bota dezagun demokrazia zerri askara

Ordizian bertan

2014-04-09

Oskorriren kanta ezagunak honelaxe dio: "Euskal Herrian euskaraz hitz egiterik ez bada, bota dezagun demokrazia zerri askara". Eta bistan da estatu epainiarrean ez dela demokraziarik ez euskararentzat, ezta euskararen herriko pertsonentzat ere. Horren lekuko, estatuen debeku eta inposizioak. Kontseiluak estatuen esku-hartzeak salatzeko elkarretaratzea ospatu da gaur, hilak 8, arratsaldeko 19:00etan Ordizian. Herritarrok kolorez margotutako eskuak jasoz irudikatu dugu estatuen erasoak gelditzeko konpromisoa. Euskara ez baita inolaz ere normalizatuko herritarron eguneroko konpromisorik ez bada.

 

Ordiziako EH Bilduren 01 alea

Ordizian bertan

2014-04-04

 

Egunotan postontzietan Ordiziako EH Bilduren 01 aldizkaria jasoko dugu. Bertan honako gai hauek aurkituko dituzu: egoera politikoa Ordizian ("o ellos o nosotros"?), Ordiziako PNVk Oiangun egindako kudeaketa okerraren ondorioak, Bilduren krisiaren aurkako politika munizipala, elkarrizketa Gutun Sozialaren sustatzaileei... Aldizkari berria bi hileko maiztasuna izateko asmoarekin jaio da.

   

Oiangun, "gobernu ona"?

Ordizian bertan

2014-03-29

EAJ-PNVk Gipuzkoan bere "Prest" programa martxan du "gobernu ona" berreskuratzeko, Bilduk Udalak "inprobisatuz eta modu ilunean" gobernatzen dituela eta. Ordizian ere segur aski prest egongo dira. Beste kontu bat da herrian egin duten gobernua "gobernu ona" izatea. Gobernu ona al da ia 28.000 euroko materiala desagertzea? Hemen Oiangun kirol materialarekin egin zutena.

 

   

Emakumeok, borrokara... eta festara

Ordizian bertan

2014-03-03

Hemen dugu 2014ko martxoaren 8a. Aurten ere Ordiziako emakumeok aldarrikapenerako eta elkarrekin eguna ospatzeko hainbat ekitaldi antolatu ditugu. Bil gaitezen emakumeok, borrokarako eta festarako!

   

Uda minean, negua

Ordizian bertan

2014-02-27

Ordiziako memoria historikoa berreskuratzeko taldeak urte eta erdi eman ditu gerra zibileko eta frankismoko lehen urteetako testigantzak jasotzeko elkarrizketak eta artxiboko lana egiten. Tarte honetann, material interesgarria bildu du, eta orain material hori atondu eta publikatzeko lanei ekin diote. Hurrengo urratsa dokumental bat editatzea izango da. Hona hemen ekoizpen prozesuaren fase bat, ahotsen grabazioarena.

   

1. orria, guztira 20 orri daude